Extra...!

A COVA DO TRASNO… EN LORES

De mans da Asociación Cultural e Deportiva G.A.M., o foro de debate-coloquio “A Cova do Trasno”, segue a reinventarse inter-parroquialízandose nesta entrega de outono. Lores é primeira parroquia elexida, co gallo da proxección de película “La joven casada”, dirixida por Mario Camus e protagonizada pola sex symbol dos anos 70 Ornella Muti. Una película estrenada o 17 de novembro en 1975 (tres día antes da morte de Franco), e que fora grababa en gran parte en Lores, con centro na “casa dos Calviño”, contando mesmo como actores ocasionais ou paseantes de fondo de escena a veciños de Lores.
 
Será este vindeiro venres 10 de novembro no salón de actos da Casa de Cultura de Lores, e con entrada libre ata agotar aforo. Antes, centraremos a escena e a casa mater desta película, que fora propiedade do político máis importante da historia de Meaño, o gran descoñecido e que a memoria nunca se afanou en rescatar. Nós farémolo este venres no marco deste acto cultural enmarcado nun cine-forum para non esquecer.

 

Desde aquí, o chamamento aos veciños de Lores, maiores que lembra a película e mozos que nunca a viron. Un convite que extendemos tamén a todos aquelas xentes de Meaño e dos arredores ávidas de coñecer (e ver) este episodio que marcou unha época. Porque “A Cova do Trasno” atrévese co que outros non fan, nun formato fresco, directo e entrañable, no que normalizamos o Meaño plural con todas súas cores, e onde o protagonismo é para xente que quere conversar. Sen ti, non sería posible. Non faltes!.

FICHA TÉCNICA
Director: Mario Camus
Duración: 99’
Xénero: drama.
Intérpretes: Ornella Muti, Pilar Bardem, Antonio Casas, Mª José Alfonso.
Sinopse: A crise matrimonial dunha nova parella burguesa.  
 

MARIO CAMUS:
Dirixiu películas, como “Los Santos Inocentes”, “La Colmena”, ou “La Ciudad de los Prodigios; e series de televisión como “Los camioneros”, “Curro Jiménez”, “Fortunata y Jacinta” ou “La forja de un rebelde”.
Premios: Oso de Ouro en Berlín (1983) por “La colmena”, gañador do Festival de Cannes (1983) por “Los santos inocentes”, Goya de honra (2011).
 

ORNELLA MUTI: Protagonizou películas como “A última muller”, “O solterón domado”, “Perversa”, “Muerte dun corrupto”, “O conde de Montecristo”, “A muller de Triestre” ou “Flash Gordon”, entre outras.
Premios: Orden ao Mérito da República Italiana, Targa d’Oro (1976)
 
 

 FOTOGRAMAS DE "LA JOVEN CASADA" EN LORES