*** Opinión

En VERDINEGRO:
Día Internacional de Muller

Sodes o espello de equipo, loita, tesón e  ledicia no que mirarnos. Sodes bandeira de deporte femenino que fai vibrar a un pabellón. Sodes un corazón en estado puro, fraguado para emocionar, non de latón para alumear.
Grazas por estar aí ao longo doutra tempada máis, por ofrecernos cada quince días en Coirón ese momento analxésico que nos permite escapar das presas e dos medos de cada día. Grazas por facernos vibrar coas victorias agónicas (como onte sábado 5 de marzo ante  o Samertalomeu a falta de 4 segundos), pero tamén por ensinarnos a encaixar as derrotas que no deporte, como na vida, tamén chegan (e chegarán).

Asmubal tralo triunfo ante o Samertalomeu (5 de marzo de 2022)
Unid@s contra a violencia de xénero unha vez máis: outra causa pola que loitar

Detrás dese plantel, o temple da man de Juan Costas e do seu equipo, de Silvia Lobato e a súa xente para, de xeito tan gris como altruísta, achanzarlles o chan antes e despois de cada partido. Nun concello como Meaño, iso non ten prezo. Desde aquí, pese a quen pese, sentimos que nunca daremos coas palabras xustas para recoñecerllo. (ao carón: Silvia Lobato)
Por diante, nesta fase exprés  e fratricida polo título de campionas de Galicia, quedan dous partidos máis en Coirón, os dous ante os grandes de cocos de Vigo, que son son Carballal e Lavadores. Sobre o papel, favoritismo para  Vigo, en Meaño só podemos poñer ilusión. De ti depende.

O vindeiro martes, 8 de marzo, Día Internacional da Muller. E que mellor ocasión para, deste este pequeno Ventanuco, traer a noso escaparate a este equipo de mulleres, loitadoras o sorrintes, para conmemoralo, e que fan do pabellón un punto de encontro san para ser (e facernos) mellores. O goberno local, ausente. E é que, nestas citas, os políticos non atopan coas fotos nin cos focos que tanto procuran, senón que estos son merecidamente para elas.