A COVA DO TRASNO 

Terceira e última entrega do foro “A Cova do Trasno” neste ciclo de primavera-verán. Nel a Asociación Cultural e Deportiva G.A.M. propúxese falar sen rubor de tres temas tabú en Meaño. En maio fora coa Guerra Civil, en xuño co risco á exposición fitosanitarios, e neste encontro de xullo, a través de “Meaño en perspectiva”, propoñense conversar de preto da política municipal. Farase bosquexando pasado, presente e futuro como sociedade que somos.

O convidado a este encontro é José Varela Budelo, coa longa experiencia da vida ás costas para poder falar con franqueza. Concelleiro de Meaño durante 19 anos, viu a política local desde o palco do goberno (entre 1991 e 2006), e logo desde o patio de butacas da oposición (2015-19), habitando así nos recovecos das dúas orelas. Como cos “sabios de tribu” de tempos pretéritos, os seus 74 anos conférenlle coñecemento, respeto, autoridade e paciencia de quen tivo vivido tanto. Un legado que, chegado a este impasse, é belo escoitar, ter e reter. Será vindeiro venres, 8 de xullo ás 22 horas, e cunha duración de 50 minutos.

A novidade deste encontro coa Cova do Trasno é que terá lugar al Biblioteca Municipal de Meaño (Axencia de Lectura). O obxectivo, contribuir a visibilizar e poñer en valor un espazo por onde moitos meañeses aínda non pasaron, e amosando como, con mimo, podemos transformalo. A iso contribuirá a música en vívo, que sempre adereza a Cova do Trasno. Sen compromisos, grazas a colaboración emocional e desinteresada da nosa xente coa cultura.

 

G.A.M.: Pese a telo aprazado fai unhas semanas, seguen vivos os dous roteiros de sendeirismo para descubrir tesouros meañeses agochados. Somos sconscientes que se nos vai o prazo anunciado, e por esta razón transmitimos a nosas disculpas. Pero o prometido é debeda, e nos afanamos en cumprilo. Desde este colectivo seguimos traballando pola cultura e polo deporte meañés, sen máis pretensión que sumar de xeito humilde polo pobo que amamos.