OS MAGOS ENTREGAN EN MAN PRETO DUN MILLAR DE AGASALLOS 

Na entrada da noite máxica, tres cabalgatas dos Magos percorreron senllas parroquias meañesas. Nas cabalgatas de Xil e Padrenda máis de medio milleiro de persoas, entre nenos e maiores, viron anticipados os seus agasallos a primeiras horas da noite, en que os Reyes se citaron con eles para facer entrega en man dos agasallos concertados.

Os Magos en Padrenda antes de partir na cabalgata

Así, en Xil, e organizada pola Asociación de Veciños, a caravana dos Magos realizou once altos no seu itinerario, para servir un total de 800 agasallos nas paradas de Ou Castro, Valdamor, Ganón, A Cachada, Vilaxoega, Ou Pazo, Ou Barreiro, Vista Alegre, Broullón, Carballoso e o atrio de la Igrexia en Picón ao final. 

Os Reis na Cabalgata de Xil

Pola súa banda, en Padrenda o lugar concertado para a entrega foi a igrexa parroquial, en cuxo interior entraron os Magos ao fío das 20 horas para ofrecer os agasallos. En torno e medio centenar de familias de Padrenda, máis veciños de localidades contiguas, optaron por esta vía de entrega en man, a fin de evitar o desprazamento máxico, casa por casa, durante a madrugada.

Mentres, en Dena e organizada pola asociación cultural Penaguda, a cabalgata partía do patio do CEIP de Coirón ao fío das 18 horas. Tras o seu paso por diversos lugares da pa-rroquia, acabou no pavillón de Coirón, onde facían a súa entrada os Magos, co público apostado na bancada. Tras a ofrenda dos Magos a un Belén vivente en plena cancha, chegou outro dos momentos mis agardados: o sorteo gratuito de máis dun centenar de agasallos que, un ano máis, fixo posible que practicamente todos os nenos do pavillón puidesen regresar a casa cun pequeno agasallo debaixo do brazo, a modo de aperitivo da noite máxica que ía seguirlle.

Cabalgata de Dena, na súa saída na Rúa dos Colexios

Antes destas tres cabalgatas, os Magos tiñan concertada ás 12 do mediodía o seu proto-tocolaria recepción política na Praza do Concello, baixo unha carpa habilitada para tal fin. Organizado polo concello, este acto comezaba coa actuación do “Pequeno Circo de Nadal”, de man da Compañía de Elfos de Nelson Quinteiro, co seu espectáculo de contacontos e danza para o público familiar. E, acto seguido, entrada dos Magos, coa recepción oficial sobre o escenario do alcalde Carlos Viéitez (nestes actos un non saber moi ben que é o rei desta recepción).
No día da Epipanía (onte sábado 6 de xaneiro) os Magos tiñan concertada unha última visita ás misas parroquiais nos templos de Simes, Meaño e Padrenda, para despedirse dos fregueses.

Os Reis Magos en Simes, á porta da igrexa no día da Epifanía

Aquí fixémonos eco do Nadal "de" e "para" a xente. Calurosos parabéns aos organizadores (os que tamén nos ceden estas fotos), con moito traballo e implicación persoal, algúns con tradición de varias décadas e xeracións. Outros actos en habidos en Meaño  neste Nadal (dos que o lector ben se decata)  organízanse travestidos con outro fin. Nesos, punto e aparte.

Cabalgata de Dena

Os Magos, listos para partir na cabalgata de Padrenda

As paxes, en descapotable desafiando o frío en Dena

Cabalgata de Xil (foto rede social Asociación de Veciños de Xil)