PLENO EXTRAORDINARIO

A adicación á política municipal ten a súas retribucións. A asistencia dos concelleiros a plenos, xuntas de goberno e comisións previas, é abonada segundo o fixado en cada concello. O cuantía, dure a sesión dúas horas ou oito minutos, é fixa. Sabe o lector canto custa unha sesión plenaria ou dunha comisión no Concello de Meaño? Imos contarllo.
En Meaño, 13 concelleiros. Nas sesións non percibe retribución nen alcalde nen a concelleira de cultura, por ter ambos, de por si, salarios políticos (o rexedor a xornada completa e o concelleira a tempo parcial). Por tanto quedan 11 concelleiros cuxa asistencia a pleno (ou comisión) é retribuida a razón de 80 euros por barba. En total, por tanto, un pleno custa 872 euros. O pasado 4 de agosto celebrouse un pleno extraordinario relampo, cunha duración de tan só 2:29 minutos, e que supuxo ese custo de 872 euros. E, iso si, cada pleno leva consigo as pertinentes comisións previas, e a xuntanza de cada comisión custa 320 euros. Aquel pleno relampo de agosto conlevou a xuntanza da Comisión de Contas, isto é, 320 euros o cal que fixo un custo total de 1.140 euros.

Un intre do pleno de Meaño nesta lexislatura

Os plenos ordinarios son obrigados por norma. En Meaño, por acordo do pleno de organización desta lexislatura e a proposta do rexidor, celébranse o último xoves dos meses impares, a saber: xaneiro, marzo, maio, xullo, setembro e novembro.
Logo están extraordinarios, que, en ocasións, poden facerse necesarios. Organización, previsión e, sobre todo, unha axenda física ao día, pode evitar despistes de xestión, e aforrar este tipo de sesións. A continuación amosamos  abaixo un cadro cos plenos extraordinarios celebrados nos 25 anos que van de século XXI. A partir de aí pode deducir o lector que alcaldes tiñan (ou teñen) mellor axenda, quen minimizaba costes en retribucións políticas, e quen non.

Plenos extraordinarios en Meaño

(1) No ano 2012 o extraordinario de novembro celébrase para a elección de Lourdes Ucha como alcaldesa. Repítese no cadro 2012 polo pasamento de Jorge Domínguez.
(2) No ano 2019 os primeiros 6 meses corresponden ao mandato de Lourdes Ucha; e os seguintes 6 meses a Carlos Viéitez (por cambio electoral), razón pola que se parte ese ano en dous semestres.
NOTA: Non se contabilizan os plenos extraordinario de aprobación de presuposto antes de remate de ano, que por lóxica, celebrábase a fins de decembro e que se facía, por norma, obrigado.

 
Do cadro, evidénciase que durante os 12 anos de goberno de Jorge Domínguez no século XXI celebráranse 15 plenos extraordinarios. Logo, nos 8 anos de alcaldía de Lourdes Ucha, 5 extraordinarios. E nos 7 anos de Carlos Viéitez na alcaldía, récord… 19 plenos extraordinarios!. A oposición xa lle reprobou moitas veces as consecuencias desa falta de axenda, cos custos adicionais que iso supón ás arcas municipais (qeu para iso non hai subvención). A vostede tócalle valorar.

E unha última reseña. As sesións extraordinarias, por norma, non contempla o capítulo pregos e preguntas. Cando un pleno ordinario non se celebra, tal e como (insólito!) ocorre en ocasións agora en Meaño, e se troca por unha sesión extraordinaria, á alcaldía pode conceder (ou non) engadir ese capítulo de pregos de preguntas de xeito excepcional (o que Carlos Viéitez, certo, concedeu nos casos habidos). Pero, iso si, a oposición nun pleno extraordinario nunca poderá presentar moción algunha por vía de urxencia (o que si pode facer en sesión ordinaria, correspondéndolle á corporación admitila, ou non, a trámite). En definitiva, estase a recortar a función de supervisión e control do goberno por parte da oposición. Así a funcionamento democrático vaise tornando en autocrático. O segredo é que o pobo, canto menos saiba, mellor. Nesas andamos.