hemeroteca:  as verbas e os días  

En vísperas como que dí de elección municipais de 2019, retrotraémonos a través deste particular Ventanuco ás municipais de fai 20 anos. En concreto, extraemos na nosa hemeroteca o orixinal da entrevista publicada en FARO DE VIGO o 26 maio de 1999, feito co candidato do PSOE meañés Laureano García Ruibal, e con fotos daqueles anos. Él foi o histórico do PSOE en Meaño nos anos da Transición. Hoxe vive no seu Dena natal afastado da actividade política. Lendo cousas así sempre sacamos leccións para o presente, ou non?

Laureano García Ruibal encabeza por cuarta vez a candidatura del PSOE en Meaño, un grupo político que no 95 perdeu por primeira vez a sua representación na corporación meañesa. Concelleiro dende o 79 al 95 Laureano destacouse por practicar no seu día unha acérrima oposición ó entonces alcalde Germán Rodiño. Tras un paréntese de catro anos volta á area política "coas mesmas ilusións que no 79" para encabezar unha lista que pretende ocupar un oco na nova corporación.

"ENTRE NÓS, POR SER SOCIALISTA, SINÁLANTE COMO SU FORÁS CUMPABLE"

Laureano Garcia Ruibal en 1999

Cales son as liñas programáticas básicas do PSOE en Meaño cara ó 13-J? 

Básicamente defendemos en medio ambiente eliminar o vertedeiro de lixo de Meaño e entrar en Sogama; en infraestructuras realizar unha forte inversión para facer por fin un polígono industrial en condicións, dotado de servicios firmes e accesos cómodos. No eido social postulamos un plan de vivenda para facilitar o acceso a ésta por parte da xente, que é algo que aquí non se toca, porque, claro, se ves as persoas que apoian as outras listas de dereitas (IM e PP) son as persoas que teñen hoxe á venda os pisos no municipio, por iso enténdese que eles non toquen o tema, pero nós temos a obriga de facelo. Finalmente no aspecto cultural queremos dinamizar as bibliotecas públicas facéndoas atractivas para a xuventude: terminais de ordenador, Internet. etc., en definitiva que as bibliotecas realicen unha oferta que atraia á xente en vez de causarlles rechazo.

Que valoraría e que criticaría do goberno de IM nestos oito anos?

Valorar en principio a valentía de presentarse outra vez. Nós entedemos que debe ser a última porque o que apoiaba a quen fundou Independentes de Meaño decantouse definitivamente pola posición natural súa, que é o Partido Popular, aínda que sexa como candidato noutro municipio...

Estase a referir vostede a Telmo Martín?

Sí, sí…, a Telmo Martín concretamente. Tendo en conta esto seméllanos un pouco raro que aquí continúen con invento de "independentes". Entendemos que ésta é unha palabra moi bonita que atrae moito á xuventude e a aquela xente resabiada contra a política, pero que Independentes non é, únicamente foi, unha infraestrucutra que se montou no seu día con xente que se apartou do Partido Popular polo que fose. Polo demáis valoro o que está feito porque é unha realidade, sobre todo a posta en marcha de servicios coma o do lixo, e incluso outros menores como a recollida de mostras de sangue en Dena para poder facer analíticas sen necesidade de desprazarse a Pontevedra. Que criticaría? O exceso de querer facer saíndose do que sería normal, en vez de ceñirse a esas catro-cinco cousas que prometeran no seu día, o feito de non retirarse despois dos oito anos que anunciaran, a escasa transparencia coa que se fan obras como a depuradora de Dena ou a nula información coa que se aborda a reforma do Plan Xeral de Ordenación Urbana, porque é tristísimo que algo tan importante pasara desapercibido entre os veciños, por que? Porque non houbo un concelleiro alí que lle dixera ó alcalde: hai que mandar un equipo municipal para que informe diso parroquia por parroquia nas casas de cultura, que son para eso. Con respecto á alcaldía retrocedemos oitos anos atrás: voltamos á personalización e glorificación da figura do alcalde, onde os problemas tenos que resolver un señor, as ideas semella que as ten só un... tal vez non teña quen o acompañe, ou quizáis non lle interese, non o sei. Nós entendemos que esto é negar o principio da democracia. 

Laureano encabeza esta lista do PSOE en 1983

Cales son as perspectivas electorais de PSOE en Meaño cara ó 13 de xuño?

Todo está aberto pero nós somos o suficientemente cautos e expertos para saber que, coa que está caíndo e aínda que aspiramos a todo, a realidade lévanos a ter como obxectivo voltar a ter unha representación, eso sí, o máis ampla posible, na vindeira corporación.

Teme vostede certa apatía do electorado cara ó PSOE, debida en parte ó estado de invernación que atravesou a agrupación meañesa tras perder a súa representación na corporación en 1995?

- Si, si, pode ser que esa desconexión se note. Pero nós presentámonos co afán de participar e facer unha proposta digna que serva de alternativa política. Ademáis hai que dicir que esa desconexión producíuse só en parte, porque nós, nestos catro anos, tamén viñemos traballando por Meaño: ás veces demandamos, como cun recente escrito de alegacións, a reforma do Plan Xeral de Ordenación Urbana, ou outro de protesta por unha escandalosa bairarrúa que no seu día estábase a construir en pleno centro de Dena, saltándose daquela unha decisión aprobada pola anterior corporación... E tamén colaboramos a través dos nosos deputados no parlamento galego presentando, por exemplo, previo consentimento da alcaldía a quen consultamos primeiro, algunhas demandas para Meaño a incluir nos últimos presupostos: asfaltados dalgúns camiños, ampliación de carretera de Samieira a Xil, a limpeza da ría de Dena, que a Xunta dotara ó centro médico de Dena de persoal de servicios... Xa por non referirnos a algunhas obras que agora andan en boca de moitos e nas que nós tamén temos algo que dicir: fai seis anos nós xa pediramos un instituto para Dena, e unha rotonda para Fonte-Coruxa e outra para o cruce de abaixo en Coirón, da mesma forma que solicitaramos unha análise das toxinas ambientais que pode haber nesta zona ó queimar os aceites de coches, e sen tratar, na cerámica de Campo en Vilalonga,  e que pode incidir dalgún xeito na aparición dalgunha choiva ácida na zona que dañe as viñas.

Estes son os nomes dos integrantes
da lista do foto de arriba (1983)

A recente dimisión de Borrell como candidato nacional pode tamén castigar o voto ó PSOE en xeral nestas municipais?

Si, pode influir pero Borrell non se presenta a ningunha alcaldía. A xente poderá pensar o que queira, pero dende o 2 de maio de aquel 1879 en que o PSOE está a servicio da sociedade, choveu, escampou, tronou, houbo Borrelles, houbo Felipes González, Roldáns... Houbo de todo. Nós estamos aprendendo tódolos días e seguiremos niso; outros partidos tamén podían ir aprendendo.

Por que tanto retraso en coñecerse o candidato do PSOE por Meaño e presentar a súa lista?

Nós entregámola o día 10, e tendo en conta que se abre o prazo o día 5 e péchase o día 10 está dentro do prazo, non?

Si, pero no me negará que a a elección foi bastante tardía.

Si, pero a cuestión é presentar a lista e o candidato cando son as eleccións, porque despois cáese nesos erros de presentar un candidato e logo ter que cambialo, ou cometer ilegalidades como a de pedir o voto cando non se pode. Certo que nós presentamos algo tarde, pero hai qu ter en conta que para integrar a nosa lista segue pesando todavía algo tan triste como aquelo de fai vinte anos de "non podo ir con vós porque me perxudica no traballo", o cal débese, en gran parte, á prepotencia destos partidos que parece que asoballan a todo aquel que non sexa dos de amén, amén, amén.

García Ruibal caracterizouse por practicar no seu día unha dura oposición contra Germán Rodiño; logo foi moito máis suave no período 91-95 con Domínguez como alcalde. Que Laureano veremos a partires de 13 de xuño na oposición se o PSOE logra obter representación?

Sería o mesmo que se presentou ás primeiras eleccións, coa mesma ilusión e coas mesmas ideas de colaborar e de axudar. O que ocurría daquela era que, con Germán Rodiñoa, era prácticamente imposible dialogar, o que non quita que despois falaramos tranquilamente fóra do concello. Jorge tivo outro xeito de entender a política e de tratar á oposición, pero creo lembrar algunhas veces que algún pleno se ten suspendido, e tenme chamado ó seu despacho para solucionar as cousas. Ademáis nesa lexislatura eu estaba agardando a ver se o Partido Popular, que con cinco concelleiros na oposición era maioría, empezaba a rachar para diante.

Independentes de Meaño promete baixar a urbana, o PP o enlace de Dena coa vía rápida ... Vostedes non entran na subasta?

Nós non entramos en subasta algunha, porque ademáis esas obras medio faraónicas teñen que facerse a través de Xunta ou do goberno central. Nós presentamos un programa e logo queremos agardar a que esté constituída a corporación: cos que estén dentro será o momento de intentar priorizar as inversións e necesidades do municipio dentro da oferta que cada quen fai.

Ser socialista en Meaño é tan difícil como parece?

Si, cando as nosas reunións de partido en Santiago, esta de Meaño é unha especie de denominador común que temos os dos municipios pequenos. É moito máis fácil ser socialista en Vilagarcía, Pontevedra ou A Coruña, que aquí entre nós sinálante dun xeito como se foras o culpable de tódolos males. En cambio, do que o partido ten feito ben, ninguén se lembra ou non interesa que se lembre. E tamén aínda temos en contra que desde algúns púlpitos todavía nos seguen facendo anticampaña.