Coñece
en Meaño as augas NON APTAS PARA O CONSUMO HUMANO
COAS FONTES NO PUNTO DE MIRA
Abrimos o Ventanuco e acendemos a luz. As
últimas analíticas de fontes públicas no municipio de Meaño arroxaron un
resultado sorprendente, por canto as cifras da auga de fontes non aptas para o
consumo humano disparáronse a 40, do total de 51 analizadas. Isto supón que que
78 por cento das fontes meañesas decláranse “non aptas para o consumo humano”,
anunciando un cambio de tendencia que, de manterse, tórnase preocupante. A
cifra bate así ese récord negativo, dado que, desde que en 2008 en que comezase
o concello a realizar analíticas das fontes -primeiro con periodicidade bianual
e no último lustro anual-, os resultados de “non aptas” viñanse movendo no arco
de entre 6 e 14 manantiais, e que, a inicios desta década, comezaron a
dispararse ata as 40 actuais.
Tendencia á alza
“As
analíticas viñéronse realizando cos mesmos parámetros ao longo de todos estes
anos” recoñecen técnicos da firma Plagostel, que é a que vén realizando este
labor en Meaño e outros concellos. “É unha cifra elevada -apuntan- pero os
resultados son correctos”. “Mesmo nalgúns manantiais -engaden-, onde
historicamente os test viñan dando ben, nesta ocasión tornáronse adversos, pero
nós realizamos contraanálisis, e ata un terceiro nalgún de eles… Pero todos o
novos test confirmaron o ditame da primeira analítica”.
Uns
resultados que, recoñecen desde a firma, non está a ser un dato singular só de
Meaño “senón que noutros lugares está a manifestarse tamén esa tendencia á
alza”. Interpelados polo perfil do municipio onde se estean evidenciando o
feito, os técnicos consultados apuntan a lugares susceptibles de estar máis
expostos a factores contaminantes do medio en que se enclavan, e que no rural
podería vincularse coa actividade agrícola intensiva, no Salnés co monocultivo
crecente da vide polo medio.
 |
| Fonte de Trubisquido en Meaño: "non apta para o consumo humano" |
Así,
entre as fontes públicas non aptas para o consumo humano no municipio, áchanse
manantiais que, históricamente, nunca rexistraran un positivo. Entre elas, na
parroquia de Meaño, a fonte de Trubisquido, considerada unha de maior hábito e
máis socorrida polos veciños. E, en Lores, a fonte do Ou Souto, nunha zona
alta, inmediata ao monte, recoñecida polos parroquianos como “a mellor auga de
Lores”, e da cal mana a máis fresca por temperatura no municipio meañés. Engadido,
en parroquias como Padrenda ou Dena ningunha fonte está apta o consumo humano.
E en Lores, tan só sálvase da queima unha (A Laxe), e na parroquia de Meaño só
a de San Xoán, non máis.
 |
| Fonte das Seis en Xil: "sen garantía sanitaria" |
Dereito á información
Tal
e como xa se apuntou, esta tendencia á alza non é exclusivo do municipio
meañés. Os gobernos locais (e o Meaño que nos ocupa), baixo ningún concepto pode
atribuírselle responsabilidade algunha na situación que se vén xerando. Faltaría máis.
O
que si é reprobable e que, ante esta tendencia, mírese cara a outra parte, que non se prantexe preguntas, e que careza de inquietude
mínima para atopar respostas. E máis aínda, é reprobable o non ofrecer ao
cidadán, por salubridade, a información debida.
Unhas
analíticas que, segundo confirmaba o rexedor, realizáronse a fins de maio, pero esas fontes só empezaron a sinalizarse en xullo, Aínda máis -e isto é o grave- esa relación de fontes, nunca se fixo pública (ata a data de hoxe) e que mesmo non figura nen no taboleiro
de anuncios, nen na web municipal, nen nas redes sociais do concello.
Aquí, agora, por medio peculiar VENTANUCO podes ter na man esa relación de fontes, para que coñezas do estado da túa. Lembra: as fontes onde reza o
epígrafe SEN GARANTÍA SANITARIA responden a aquelas que, no momento
de tomar as mostras, declararíanse aptas, pero que poden deixar de selo, de aí o lema “sen garantía sanitaria”, por canto a garantía no tempo só podería pasar
unicamente por ser cloradas. E as fontes NON APTAS PARA O CONSUMO HUMANO son as que, naquela data non deberían consumirse por
salubridade e que, dado o resultado achado, recoméndase encarecidamente absterse de beber ese auga.
RESULTADOS POR PARROQUIAS: COÑECE A TÚA FONTE
Agardamos terche axudado. Se o ves axeitado, compárteo cos teus.
