ENQUISA: o pediatra, onde?

Colea a ausencia  do pediatra no centro de saúde de Coirón-Dena. Non obstante, abrimos este particular Ventanuco para botar luz sobre o tema. O que vertemos nesta entada non é opinión, senón información que constatamos presencialmente, tendo coñecido in situ a situación. Despois de ler, ao final desta páxina servimos a pregunta real que deberiamos facernos para coñecer a túa opinión na enquisa que servimos. 

Como se prestaba o servizo de pediatría que existía en Dena?
Horario de consulta pediatra: de 8,00 a 11,00 horas (de luns a venres). Logo, na segunda metade de mañán, ese  mesmo pediatra prestaba o servizo no concello de Meis.
Horario da consulta de enfermería: de 8,00 a 11,00 horas. Era @ mesmo@ enfermeir@ que, a partir de media mañán, subía  Meaño para prestar os servizos co centro de saúde de As Covas, dando así cobertura ao doctor Gil Cons.
Vacacións, permisos, baixas, ausencias por indisposición: durante ese tempo, Dena quedaba sen pediatra (pola falla de profesionais no ramo, razón esgrimida polo SERGAS desde fai anos). Cando iso ocorría, aos meañeses, xeralmente, non lle quedaba outra que acudir ao servizo de urxencia en Baltar ou, no seu caso, solicitar para ser atendido en Dena ou Meaño pola médicaode familia.

Centro de saúde de Baltar en Portonovo

 
Como se presta o servizo de pediatría que se ofrece agora en Baltar aos meañeses?
Nº de pediatras que existían antes en Baltar: 2
Nº de pediatras que prestan servizo agora en Baltar: 3 (o terceiro é o profesional que antes repartía xornada entre Meaño e Meis, e que agora atende en Baltar ás familias de ambos concellos).
Horario de consulta pediatría: de 8,00 a 15,00 horas (de luns a venres).
Horario da consulta de enfermería: de 8,00 a 15,00 horas. A ausencia de pediatra en Dena permite que @ enfermeir@, que antes prestaba servizo alí en Coirón durante media mañán, poida prestar os seu servizo xa a xornada completa no centro de saúde de As Covas de 8,00 a 15,00 horas.
Vacacións, permisos, baixas, ausencias por indisposición: cando isto ocorrra os meañeses non quedarán sen servizo de pediatría en Baltar, ao repartirse os outros dous profesionais, cando proceda, a axenda do pediatra ausente.
 
Tamén cabería lembrar a situación do profesional de pediatría: se sería mellor para o seu rendemento e estabilidade dividir xornada entre Dena e Meis, pasanado un tempo -e risco- cada día na estrada entre estos esos concellos, ou ben sería máis axeitado que ese profesional emprege ese tempo de estrada en prestar consulta nun centro estable.
 

A continuación servimos a enquisa. O seu carácter é totalmente anónimo, nin desde este Ventanuco pode coñecerse ao votante, por canto o lector non emite resposta algunha por correo. Para poder votar e participar na enquisa deberá abrir a sesión en Google. Cada lector só poderá respostar unha soa vez. Para respostar pinche dentro do círculo da opción que elixa. Unha vez emitida o reposta, non poderá modificala. 

 ESTA ENQUISA PERMAÑECE ABERTA ATA O VENRES 12 DE FEBREIRO ÁS 23'59 HORAS

Unha valoración que debería implicar máis ás nais e pais con nen@s en idade de atención pediátrica, ou a aquelas/les que estén pensando en selo. Porque isto son os que mellor entenden o que é cubrir a súa necesidade de atención aos fill@s. Por favor, emita unha valoración pensando unica e exclusivamente en como estaría mellor atendid@ o seu fill@