"A COVA DO TRASNO" (Asociación Cultural e Deportiva G.A.M.)

"RADÓN: O INIMIGO INVISIBLE"

Co título de O RADÓN: O INIMIGO INVISIBLE, cuarta e última entregra do ciclo de inverno do foro "A Cova do Trasno", contando para o ocasión coa Dra. MARÍA TORRES DURÁN, neumóloga do Hospital Álvaro Cunqueiro de Vigo, e que estará ex profeso en Meaño para departir do público. Será este vneres, 14 de febreiro, ás 20,45 horas no Pazo de Lis, e con entrada libre ata completar aforo, cita con conta coa colaboración das Adegas Gerardo Méndez (Lores) e o seu Albariño do Ferreiro. Apertura de portas ás 20,30 horas. 

Será una hora de tempo para informarte e resolver dúbidas sobre unha ameaza real, que está considerado o segundo factor de risco para o cancro de pulmón, onde as vivendas de Galicia, e de Meaño e particular, están sobre expostas  a este gas.

A doutora Torres Durán integraba o equipo do Álvaro Cunqueiro que ven de traballar con sete grandes hospitais de Galicia e outros no Noroeste peninusula nun amplo estudo sobre o impacto da exposición ao radón residencial, e súa relación do cancro de pulmón. A investigación, dirixida polo profesor Alberto Ruano desde o Departamento de Epidemioloxía e Saúde Pública da Universidade de Santiago, conclúe que, mesmo as persoas nunca fumadoras, expostas a concentracións elevadas de radón (máis de 200 bequerelios m3) presentaban un incremento significativa do risco de desenvolver cancro de pulmón, en comparaión cos expostos a concentración por debaixo dos 100 bequerelios m3. Que podes facer na túa casa?