O PLENO DO SAMAÍN

Entrando en novembro, o pleno extraordinario do concello de Meaño vivido o pasado mércores 4, foi digno de cualificalo, en ton coñero, como a "sesión do Samaín" ou "Hallowen". Son 26 minutos para ver, e iso que a algúns pareceulles que o debate estaba a supoñer un día (a ver, 26 minutos, son... 26 minutos). Todo por unha cuestión aritmética que se reducía a sumar: canto é 5+1? Se resolvemos o enigma e tiramos de regla de tres a proporcionalidade... legal? Uf!. Desde logo aritmética, non. Ou si?. (Non estaría mal consultar cun matemático, ou que?).

Aquí deixamos o enlace co vídeo do pleno. Que cada un saque as súas propias conclusións. A nosa recomendación: o "hallowen" empeza a partir do minuto 11'18''. E ao final, inédito abandono antes do urbi et orbi

NOTA: Se tes dificultade de acceso arriba, pincha aquí abaixo no seguinte enlace

PLENO DO "SAMAÍN"

E como en Meaño puidemos ver un Samaín auténtico, deixamos aquí unha selección de fotos da "caravana das cabazas" que fixo o CEIP As Covas. Imaxinación a tope para poñer en marcha un evento sublime, cargado de beleza e romanticismo. Da gusto que en Meaño haxa xente que, con tan pouco, logra un resultado así de exquisito. Un colexio que acerta de cheo na inmersión social, cultural e paisaxística que o rodea, sacándolle un lustre envidiable. Desde aquí, abrimos tamén o noso particular Ventanuco para darlle os nosos parabéns a toda a comunidade escolar de As Covas.   Fotos: CEIP As Covas