A Cova do Trasno:

FITOSANITARIOS: QUE ARRISCAMOS?

De man da Asociación Cultural e Deportiva G.A.M., segunda cita con “A Cova do Trasno” neste ciclo de primavera. Será este vindeiro venres, 3 de xuño ás 21,50 horas na sá do Pazo de Lis en Meaño. Prometiamos tres temas tabús, e se no primeiro foi a represión na Guerra Civil, nesta entrega é un desos temas dos que todos falamos en privado, pero que ninguén quere abordalo en público: os fitosanitarios. Nós atrevémonos a iso. Para este encontro contaremos co técnico agrario XABIER RIAL, vencellado a traballos de experimentación e avaliación de fitosanitarios no nosa comarca e con varias firmas.

O avance do viñedo estase a convertir no monocultivo do Salnés: a que prezo? Cantas toneladas espallamos ao aire nun ano en Meaño? Onde está o límite? Cales son os riscos? Que Meaño deixaremos en herdazna para a futura xeración, esa que está na escola?

Todo isto e máis. Aforo limitado. Duración: 50 minutos… E con música en vivo.